(ursprünglich im Journi-App erstellt)

Hüt isch de Transfer mit em Auto vo St. Louis nach Kansas City (wobi ganz genau gno nach Independence, MO) gsi.
Mit churzem Zwüschestopp im “Play it again”-Shop. En Lade mit neue, aber vor allem mit bruuchte Sportartikel zu guete Prise. E cooli Idee! Hätt au vill Baseball Sache gha.
Spöter im Super 8 Motel für vier Nächt mis Zimmer bezoge.

übrigens: Independence ischs offizielle Tor zum Weschte. Das heisst, vo hiä us sind dazumal d’Sidler in Weschte vo de USA ufbroche. En wichtige Handelspunkt und e pulsierendi Stadt isch das gsi. Hüt merkt mr nümme vill devo 😉