(ursprünglich im Journi-App erstellt)

es isch chli en Fruscht… ich bringe das cheibe WLAN im Motel nöd zlaufe. Eigentlich en rächte scheiss!
Ich sött aber nöd jammere, händ doch sit am Fritig (also vor rund 2 Täg) nacheme Thunderstorm tuusigi vo Hushaltige kei Strom meh. Also zum Glück hani Strom im Motel. Aber drum “muess” ich jetzt zwungenermasse ab und zue e Fastfood-Ketti mit free-WIFI ufsueche 😉

Hüt isch süsch nachli Sightseeing ir Stadt gsi. s’Wätter isch aber sehr veränderlich mit Räge allpot, und sehr schwüel bi 30 Grad.
So bini am Nami ungeplant und total unverschuldet im Casino glandet.
=> eigentlich isch Glücksspiel in Missouri verbote, aber wänns Etablissement ufemene Gwässer isch, wommer theoretisch in en legale Bundesstaat chönnt wächsle, ischs ebe erlaubt. Und so händ diä clevere Lüt am Missouri-River eifach en grosse Teich mit “Zuefluss” usghobe und es Casino drigstellt. Wieder mal en typische, absurde Amerika-Trick…

Am Abe isch wieder Baseball uf em Programm mit mim erschte Spiel vo de Kansas City Royals.