(ursprünglich im Journi-App erstellt)
Hütigi Etappe Pontiac – St.Louis uf de Route 66.
Es isch scho es speziells Gfühl uf derä legendäre Strasse unterwegs z’si.
Über wyti Strecke verlauft d’Strass parallel zur Interstate 55, was eher uncool isch.
Aber ab und zue entfernt sie sich. Und dänn chunnt mr vorallem durch verschlafeni Ortschafte wiä Towanda, Atlanta oder Farmersville. Aber au Städt wiä Lincoln oder Springfield sind am Wäg. Diä würd mr mit der I-55 umfahre.
Hüt Abe isch s’Erschte Baseballgame uf mim chline Roadtrip uf em Programm gstande.
Washington Capitals vs St.Louis Cardinals
Am Namittag hätts no es heftigs Gwitter gäh, aber jetzt sötts bis gäge Mitternacht häbe.
Tja, Erstens kommt es anders….
Zum First Pitch gseht alles no wunderbar us, aber dänn kehrts innert Minute und am 8i schiffets in Ströme! Vorläufig wird unterbroche und d’Zueschauer wartet unter de Tribüne. s’Wätterradar zeigt e besserig innert 30 Minute.
…und Zweitens als man denkt.
90 Minute spöter wird s’Spiel definitiv uf morn Samschtig Nami verschobe. Zum Glück bin i bis Sunntig ir Stadt.
En nette Herr vor Lyft (so öppis wiä UBER) fahrt mi bi däm Hundewätter troche zrugg is Hotel.
